On Virtue › Domestic Virtue › அதிகாரம் 19

குறள் 182

புறங்கூறாமை

அதிகாரத்தில் 2/10

திருக்குறள்

அறனழீஇ அல்லவை செய்தலின் தீதே புறனழீஇப் பொய்த்து நகை.

Aranazheei Allavai Seydhalin Theedhe Puranazheeip Poiththu Nakai

“Who bite behind, and before smile Are worse than open traitors vile”

Than he who virtue scorns, and evil deeds performs, more vile,Is he that slanders friend, then meets him with false smile

விளக்கங்கள்

English explanation

To smile deceitfully (in another's presence) after having reviled him to his destruction (behind his back) is a greater evil than the commission of (every other) sin and the destruction of (every) virtue

தமிழ் உரைகள்

மு. வரதராசனார்

அறத்தை அழித்துப் பேசி அறமல்லாதவைகளைச் செய்வதை விட, ஒருவன் இல்லாதவிடத்தில் அவனைப் பழித்துப் பேசி நேரில் பொய்யாக முகமலர்ந்து பேசுதல் தீமையாகும்.

சாலமன் பாப்பையா

அறம் என்பதே இல்லை என அடித்துப் பேசிப் பாவத்தைச் செய்வதைக் காட்டிலும் ஒருவனைக் காணாதபோது புறம்பேசிக் காணும்போது பொய்யாகச் சிரிப்பது பெருங்கேடு.

மு. கருணாநிதி

ஒருவரை நேரில் பார்க்கும் பொழுது பொய்யாகச் சிரித்துப் பேசிவிட்டு, அவர் இல்லாத இடத்தில் அவரைப் பற்றிப் பொல்லாங்கு பேசுவது அறவழியைப் புறக்கணித்து விட்டு, அதற்கு மாறான காரியங்களைச் செய்வதைவிடக் கொடுமையானது

கதை வடிவங்கள்

இந்தக் குறளை கதையாகப் படியுங்கள்

அதிகாரம் முழுவதும் →

குறள் #182

இருமுகச் சிரிப்பு

ஒருவர் இல்லாத இடத்தில் அவரைப் பற்றித் தவறாகப் பேசிவிட்டு, அவர் முன்னால் சிரிப்பது எவ்வளவு பெரிய தவறு என்பதை இந்தக் கதை விளக்குகிறது. அறத்தை அழித்துப் பேசி அறமல்லாதவைகளைச் செய்வதை விட, ஒருவன் இல்லாதவிடத்தில் அவனைப் பழித்துப் பேசி நேரில் பொய்யாக முகமலர்ந்து பேசுதல் தீமையாகும்.

8–14 yr 1 min