On Virtue › Ascetic Virtue › அதிகாரம் 28

குறள் 275

கூடாவொழுக்கம்

அதிகாரத்தில் 5/10

திருக்குறள்

பற்றற்றேம் என்பார் படிற்றொழுக்கம் எற்றெற்றென்று ஏதம் பலவுந் தரும்.

Patratrem Enpaar Patitrozhukkam Etretrendru Edham Palavun Tharum

“Who false within but freedom feign Shall moan \"What have we done\" with pain”

'Our souls are free,' who say, yet practise evil secretly,'What folly have we wrought!' by many shames o'er-whelmed, shall cry

விளக்கங்கள்

English explanation

The false conduct of those who say they have renounced all desire will one day bring them sorrows that will make them cry out, "Oh! what have we done, what have we done."

தமிழ் உரைகள்

மு. வரதராசனார்

பற்றுக்களைத் துறந்தோம் என்று சொல்கின்றவரின் பொய்யொழுக்கம் என்ன செய்தோம் என்ன செய்தோம் என்று வருந்தும் படியான துன்பம் பலவும் தரும்.

சாலமன் பாப்பையா

எத்தகைய பற்றுகளும் இல்லாதவர் என்று வாயால் சொல்லிச் செயலால் தவறாக வாழ்பவரின் வாழ்க்கை, பிறகு ஏன் அப்படிச் செய்தோம் ஏன் அப்படிச் செய்தோம் என்று வருந்தும்படி பல துன்பங்களையும் தரும்.

மு. கருணாநிதி

எத்தகைய செயல் புரிந்துவிட்டோம் என்று தமக்குத் தாமே வருந்த வேண்டிய துன்பம், பற்றுகளை விட்டு விட்டதாகப் பொய்கூறி, உலகை ஏமாற்றுவோர்க்கு வந்து சேரும்

கதை வடிவங்கள்

இந்தக் குறளை கதையாகப் படியுங்கள்

அதிகாரம் முழுவதும் →

குறள் #275

போலித் துறவியும் உண்மையான அமைதியும்

துறவி போல நடித்து, உள்ளுக்குள் ஆசைகளைத் தொடரும் ஒருவரின் போலித்தனம் இறுதியில் அவருக்குத் துயரத்தையே தரும் என்பதை இக்கதை விளக்குகிறது. பற்றுக்களைத் துறந்தோம் என்று சொல்கின்றவரின் பொய்யொழுக்கம் என்ன செய்தோம் என்ன செய்தோம் என்று வருந்தும் படியான துன்பம் பலவும் தரும்.

8–14 yr 1 min